أبسأل حضرتك ياحزن...

السلام عليكم ورحمة الله تعالى وبركاته


أتمنى أن تروقكم وعذرا منكم إذا تهاونت


أبسأل حضرتك ياحزن عن اللي كان بأعماقي


قبل لا يمرني طيفك وتدندن ألحانك

علامك جيت لي كلك؟ ولا فكيت لي وثاقي

وأنا مايوم ناديتك ولا دقيت بيبانك

حضنت أيامي بقسوة وأحسك همت بعناقي

وصورت العمر بيدك وعلقته بجدرانك

ياليتك تبعد وتنسى ياليتك تلعن فراقي

أنا ماعاد فيني شيء يصبرني على شانك

كتبتك ياحزن عمري وفرح غيري من أوراقي

أنا لو تحسب جروحي خطا في عدها لسانك

دخيلك لا تشب النار وش اللي يفيد بإحراقي

تمهل ياحزن واصبر، قبل تنهيني نيرانك


دمتم بكل الود والحب



الموضوع  الأصلي : أبسأل حضرتك ياحزن... المصدر : عالم العرب الكاتب:اطياف الرحيل